Rhyddhau ysbryd antur

I’r rhai mwy hamddenol o’ch plith, sydd am fwynhau’r hyn o’ch cwmpas a byw yn yr eiliad, gall DGRhC gynnig gweithgareddau haws sy’n addas i’r teulu cyfan.

Does ots p’un ai a ydych chi’n rhedwr profiadol neu newydd, DGRhC yw’r lle delfrydol i ddatblygu’ch sgiliau padlo, p’un ai ar y dŵr llonydd cysgodol neu’r cwrs dŵr gwyn.

Am weld Caerdydd o safbwynt newydd? Beth am Logi Beic o’r safle? Yna beiciwch i weld golygfeydd a thirnodau arbennig Llwybr Y Bae. Boed law nei hindda, mae ein beiciau wrth law i chi fynd am dro arnynt. Mae’r maes parcio cyfleus yn golygu y gallwch newid o bedair olwyn i ddwy mewn dim o amser!

Neu beth am y gweithgaredd teuluol perffaith - Sesiwn Rafftio i'r Teulu? Caiff lefel a chyflymder y dŵr eu gostwng gan sicrhau bod herio’r dyfroedd yn brofiad gwych i’r plant (a phlant mawr). Padlwch, chwerthwch, joiwch!

Tawel a Hamddenol Activities List

Rafftio i'r Teulu

Ychwanegwch ddimensiwn newydd i’ch amser teulu a mentrwch ar y dyfroedd gyda’ch anwyliaid! Galwch ar eich mamau, tadau, modrybedd, ewythrod, brodyr, chwiorydd, ffrindiau a mam-guod a thad-cuod i ymuno â chi mewn rafft sydd â lle i 6 pherson. Mae’r antur hon yn sicr o wneud i chi chwerthin yn uchel (a rhoi trochfa i chi’r un pryd).

Padlfyrddio ar eich Sefyll

Ar ôl tyfu mewn poblogrwydd ym myd chwaraeon dŵr, mae Padlfyrddio wrth Sefyll yn ffordd wych o fwynhau’r dŵr gwastad a chael sesiwn ymarfer corff lawn yr un pryd. Gan gyfuno syrffio a chanŵio / caiacio, mae’n cynnwys sefyll ar fwrdd mawr a defnyddio padl yn arddull canŵ i symud drwy’r dŵr. Mae’n ddelfrydol ar gyfer grwpiau (isafswm o 4 person).

Cyrsiau Caiac neu Ganŵ

Mae ein cyfleusterau rhagorol chwaraeon padlo’n cynnwys pwll dŵr gwastad a chwrs dŵr gwyn safon Olympaidd! Gallwch berffeithio’ch techneg drwy gofrestru ar un o’n cyrsiau, gan ein tîm o hyfforddwyr hwyl a chyfeillgar.