Modiwl Cymorth Padlfyrddio Sefyll BC

Mae’r cwrs hwn i gynorthwyo unrhyw un sydd am ennill mwy o wybodaeth am ddisgyblaeth arbenigol Padlfyrddio Wrth Sefyll (SUP).

Mae’r cwrs yn cyflwyno ac yn egluro’r technegau sylfaenol ac yn meithrin dealltwriaeth o SUP.  Mae’r cwrs yn gymysgedd o theori a gweithgarwch ymarferol i sicrhau y caiff pawb gyfle i roi cynnig ar bethau. 

• Erbyn diwedd y modiwl dylai'r sawl sy’n cymryd rhan fod wedi cyflawni’r canlyniadau dysgu canlynol:
• Deall datblygiad y gamp ar raddfa fyd eang a rôl y gwahanol gyrff yn y maes gan gynnwys British Canoeing.

• Deall agweddau ar ddylunio, maint ac addasu offer i fodloni gofynion yr unigolyn.

• Esbonio cefndir y gwahanol ddisgyblaethau padlfyrddio a’r technegau penodol sy’n berthnasol i bob un.

• Deall y gwahanol fathau o badlfyrddau sydd ar gael, eu nodweddion a’r gwahanol dechnegau i’w defnyddio gyda nhw.

• Deall sut i drin padlfwrdd yn effeithlon.